Biblioteka “Koço Racin” në Tetovë me rastin e 23 Prillit – Ditës Botërore të Librit dhe të Drejtave Autoriale ka shpallur konkurs për krijime më të mira poetike për nxënësit e shkollave fillore në rajon.
“Konkursi letrar është me temën “Libri”. Të drejtë pjesëmarrjeje kanë të gjithë nxënësit e shkollave fillore në Tetovë dhe rajonin e Tetovës. Veprat poetike duhet të dërgohen me një shifër. Emrat e autorëve, titulli i poezive dhe shifrat duhet të dorëzohen në një zarf të veçantë të mbyllur. Për poezitë më të mira jepen çmime”, njoftojnë nga Biblioteka.
Veprat poetike duhet të dorëzohen në bibliotekë më së voni më 15 prilli ose të dërgohen me postë në adresën Biblioteka “Koço Racin” – Tetovë, bul. Iliria pn, 1200 Tetovë.
